නිස්සිතස්ස චලිතං හොතීති අය මෙකානුපස්සනා, අනිස්සිතො න චලතීති අයං දුතියානුපස්සනා. එවං සම්මාද්වයතානුපස්සීනො ඛො භික්ඛවෙ, භික්ඛුනො අප්පමත්තස්ස ආතාපිනො පහිතත්තස්ස විහරතො ද්වින්නං ඵලානං අඤ්ඤතරං ඵලං පාටිකඞ්ඛං දිට්ඨෙව ධම්මෙ අඤ්ඤා, සති වා උපාදිසෙසෙ අනාගාමිතාති. ඉදමවොච භගවා ඉදං වත්වා සුගතො අථාපරං එතදවොච සත්ථා: 755. අනිස්සිතො න චලති නිස්සිතො ච උපාදියං, ඉත්ථභාවඤ්ඤථාභාවං සංසාරං නාතිවත්තති. 756. එතමාදීනවං ඤත්වා නිස්සයෙසු මහබ්භයං, අනිස්සිතො අනුපාදානො සතො භික්ඛු පරිබ්බජෙති.
